ენდოდონტია წარმოადგენს არხების მკურნალობას, რომელიც ძირითად შემთხვევებში დაგვიანებული კარიესული მკურნალობის შედეგად არის გამოწვეული. ენდოდონტური მკურნალობის დროს ხდება პაციენტის კბილის არხების გასუფთავება მიკროფლორისგან, დამუშავება და ჰერმეტულად დაბჟენა.

ანნა მეტრეველის კლინიკაში არხების მკურნალობა ხდება თანამედროვე აპარატურული აღჭურვილობით. კერძოდ, სტომატოლოგიური მიკროსკოპით, რაც უზრუნველყოფს სამკურნალო არეალის მაქსიმალურ ვიზუალიზაციას და უმაღლესი ხარისხის შედეგს.

გარდა თანამედროვე აპარატურისა, ცენტრში გამოიყენება უმაღლესი ხარისხის სამკურნალო მასალა, რაც უზრუნველყოფს შედეგის მაქსიმალურ ხარისხს და გამძლეობას.

არხების დაზიანება შესაძლოა გამოიწვიოს ღრმა კარიესმა, ნერვის ანთებამ (პულპიტი), ტრავმამ (კბილის მოტეხილობა) ან კბილის გარშემო ქსოვილების ანთებითი პროცესი (პაროდონტიტი)

თუ თქვენ გაქვთ შემდეგი ჩივილები, დაუყოვნებლივ მიმართეთ ექიმს:

• კბილის პერიოდული უმიზეზო ტკივილი დღის განმავლობაში
• კბილის ტკივილი ღამის განმავლობაში
• მომატებული მგრძნობელობა ცივ ან ცხელ საკვებზე
• კბილის ფერის შეცვლა
• უსიამოვნო სუნი

თუ ზემოთ აღნიშნული სიმპტომები გაქვთ და დროულად არ მიმართავთ ექიმს, პროცესი პროგრესირდება, ტკივილი გაძლიერდება და გახშირდება. საბოლოოდ შესაძლოა კბილის გადარჩენა ვერ მოხერხდეს და ამოღებაც კი დაგჭირდეთ.

ანნა მეტრეველის სტომატოლოგიურ ცენტრში უმაღლეს დონეზეა დაცული პაციენტის უსაფრთხოების ნორმები. ძირითად შემთხვევებში ხდება ერთჯერადი ინსტრუმენტების გამოყენება. მრავალჯერადი ინსტრუმენტები გადიან სტერილიზაციის ყველა საჭირო ეტაპს, ბოლო თაობის სასტერილიზაციო აპარატურით.